WELLLLMYNAMEISJOP

Pundit

Location: Canada

Joined Mar 08, 2017 at 02:45AM EST

Contributions

About

Who am I? Well, my name is Jop. I'm a fern in disguise, and I strive the be ehrlich in my comments (at least want to be so). Please, I'f you want to tell me anything, please, do so!

pʰertajiɖo o tarpʰuc tunʃoŋo tuntoplɔ jiyo. pʰɔr kotrata tʰuo. uɽoʈɔyil eliu pʰertajiɖo. eŋkalel eŋkaʈpʰome eremla ʈʰitɲyo. o lɛc ko kacoleme.

oi ta eɳkocilel oitaci ektɛrʈok. o tuŋkɛlo lɛcik tɛroleme. a kamabikʰir o lɛcik tɛrtola oika ʈʰitbolo inci. o itcɔŋel o inotəracɔret cɔŋ oikʰul inotkʰu cɔŋ. bo lɛcik kacil o lɛcit cɔŋ minotəra cɛʈʰul. o i pʰoŋil minot cɔɳ. o ʈole iebi. du bo o lɛci nɔne ince. o it cɔŋil biut calɔutcɔŋ. o ikuɖilo untɔplɔ iebi. kʰudi bo o lɛcik tɛrtola eka ʈʰitbɔlo. o itcoŋil kɔʈr . mɛle ʈʰit cɔŋ. o irŋɔcil u iebi. u ikʰ uni. kɔʈek pʰɛci bano. o i ta pʰai. irem lamil pʰɛcta ʈolera tɛʃe. pʰɛcta ʈolera iʃe iboil u iji.

u ijite ut bɔrʈʰul. o tum arpʰuc teka u ebukʰu ebano. u ʈʰical aracaka o ara aʈe kubi. a ta pʰait nol. bo koka cɔlel u tum bɔt kʰacol o eule. ʈʰica tuttara:l kɔʈ tuntabino be. bo ara aʈe kubi unci. bo o koka cɔl. bo o tum bɔt kʰacol ʈʰica eule. a mimi a kɔʈ a ta ʃuɲ kɛloɲil iŋkʰile. pʰertajiɖo u tum bɔr co. araɳʈoyal u ara aʈi kubi unci.

koka colik malail u ʃiɖik utcɔnne. o ra krɛl u ikʰ unni ɲyoak. a kaŋ tut olel ʈʰica kak. ʈʰica tɛrlɔkʰo. u tuŋ boka lulil. o rat a lɛl “cyak kʰidi kɔʈ belɔ”. o tumbo ca:yik akauno. amimi a kɔʈ ɲyo kotrata wa pʰertajiɖo. o a pʰertajiɖot kʰolet lameme. pʰertajiɖo eracil a tumbot kʰacul eule. a kɔʈe eule. pʰertajiɖo emaʈil unci. a kɔʈek tercoicil kɔʈek ŋolome. dantɔ nencuo ʈʰitɲyome. nutun tʰiremil nutun tʰire cɔpʰe. u ne boi mil. u tʰirettʰire cɔpʰemil.

phertajiɖo emboi a kɔʈek ikjiral pʰarokobi kɛʈe. u umpʰarako incil pʰarakok uni. emboi akɔʈek jiral pʰarakobi bole. eralobum o i ta uŋkɔcil etcalo. pʰarako tujupʰul pʰertajiɖo meobi kocobil. o erketol o ekterʈɔe ʈau tumikʰik. cyal erenʃolokil o. ekʈɛno ataci. u erʈeʈerel. kɛnmo erkɛʈil. emboik coʈɔme. oi kɔ cop.

emboi kɔʈek ekjirancil. ʈʰu ʃoŋak ŋut kɔcokak ʈʰut connebom. ʈʰu ʈʰibi ole. ʃitane ʈʰi bi. mut kɔcokak ʈʰambikʰir ʈʰutconnekom.

akambikʰir utconne.

o rɛpʰul mutkɔcokak ʈʰi ole mil. o tarpʰuci ne cɔpʰet cɔŋ.

akamele uni ole. emboi akɔʈe jira lol kɔc nu tarpʰuc kʰenio. ʈʰi nole mebe. emboi kɔʈek jiral kʰatɛ ʈʰɛŋot conne.

akɔʈe akatɛkʰuk pʰil. “ʃitane ʈʰɛŋotun ʈʰirene ʈʰibit mɔ”.

bo o pʰertajiɖo ikjira, “ʈʰɛŋotuntʰireni arbittakamo, ʈʰɛŋut connebe”.

nutun tʰire naraɲil, uni aratta. pʰɛrtajiɖo ikjiram, lk “ʈʰu tʰire kʰoittakʰe ɳeli ʈʰibika lilekɛ.’’ ŋalemimi ŋalemay ʈʰiyomuŋili aratta kɔm. kʰilele muŋili ʈʰibi ɲyopʰo. mutkɔcua meɲo be. kʰilele ŋole ʈʰibit ɲyot nole. ɖikʰɔ, muntaraliu bo. ittɔ tekʰamo mut conne bom.

nu rɛpʰul pʰarako ikubeliŋ.